Família sira nia ksolok no kmaan bainhira MAF lori fila pasiente sira iha ospitál fila fali ba sira nia komunidade.
Bebé Natacio Gusmao hetan evakuasaun ba iha Timor-Leste nia kapitál Dili liu husi aviaun MAF bainhira nia sofre moras isin-manas grave no infesaun.
Maibé hafoin ta'uk ba kondisaun saude ba bebe ho idade fulan sia, nia família nafatin hasoru dezafiu kona-ba oinsá atu lori sira nia oan-mane fila fali ba uma ho seguru.
Nune'e, Abio Tilman, bebé nia aman ho idade 37, senti kmaan bainhira nia hetan informasaun katak MAF bele semo lori sira fila ba sira nia uma iha Adara, illa Atauro. Viajen semo ho hakmatek lori durasaun minutu 15 sai nudar opsaun ne’ebe diak liu duke viajen ho potensialmente ultrapasa laloran bo’ot tasi nian.
"Halo viajen ba illa Atauro ho aviaun MAF mak lalais no seguru, no ami to'o iha uma la sente kolen, kompara halo viajen ho ro." Irmaun Tilman, mestre no peskadór lokál hatete.
"Ami agradese tebes ba MAF tanba ajuda ona ami la'ós de'it ho evakuasaun medika maibé mós oferese voo ho aviaun hodi lori ami viajen fila-fali, ne'e ajuda duni ami atu asegura katak ha'u nia oan-mane bele fila-fali ba uma hodi la bele senti bulelu."
Pasiente sira ne’ebe halo evakuasaun medika sempre hasoru difikuldade atu fila fali ba uma hafoin simu tratamentu saude iha Ospital Nasional Guido Valadares (HNGV) iha Dili.
Pasiente hirak ne’e dalabark senti iha difikuldade atu halo viajen iha kondisaun estrada ne’ebe la diak no iha tasi ho laloran makas, bainhira sira iha hela faze halo rekuperasaun ba sira nia saude.
Maske nune'e, MAF nia Projetu Closing Loop ajuda pasiente sira atu fila fali ba sira nia knua ho lalais no seguru, hodi halakon bareira izolasaun nian.
Nick Hitchins, pilotu no Eis Diretor Nasional MAF, esplika kona-ba oinsá Closing the Loop nudar apoiu adisional ba pasiente sira ne’ebe halao evakuasaun medika.
“Projetu Closing Loop ne'e dezeña atu fó apoiu adisionál ba ami-nia pasiente sira ne’ebe halo evakuasaun médika mai husi distritu sira," dehan Sr. Hitchins.
"Ida ne’e mak ami nia devér atu tau matan ba sira, fó-hatene ba sira katak sira la mesak, no atu asegura katak sira simu sasán hirak ne'ebe esensial ba sira, tan ne'e sira iha oportunidade di'ak liu atu hadi'a fali sira nia morisdurante sira hela iha ospitál no fila fali ho seguru ba sira-nia knua."
Ida ne’e mak ami nia devér atu tau matan ba sira, fó-hatene ba sira katak sira la mesak
Silvano Araujo, ne'ebé nia kaben Adelina dos Santos iha kondisaun grave bainhira nia hetan operasaun molok tuur-ahi ba sira nia bebé iha Suai, esplika importansia ba sira husi MAF nia apoiu lori pasiente fila-fali ba sira nia horik fatin.
"Ami la bele fila fali ho bis tanba ha'u nia feen nia kondisaun la dun diak atu tahan hasoru kondisaun estrada ne'ebé at, no ida-ne'e sei fó impaktu ba nia saúde." Sr. Araujo hatete.
Agrikultór no emprezáriu ne'ebé hela iha Suai, iha kosta súl oeste Timor-Leste, hato'o nia sentimentu kona-ba viajen fila-fali ho aviaun MAF nian ne'ebé ajuda sira to'o sira nia uma sein hetan esperiénsia viajen iha estrada ne’ebe at no viajen tempu naruk ho bis.
"Hau kontente tebes atu fila fali ba uma ho aviaun MAF, tanba ida ne'e ajuda ami atu fila ba uma la liu husi estrada at ka gasta oras ualu viajen ho bis husi Dili ba Suai, ne'ebé sei difikulta ba ha'u nia feen nia kondisaun saude," dehan Araujo.
"Maibé ami nia viajen ho aviaun MAF lori minutu 45, no ha'u nia feen mós bele sente konfortavel ho nia kondisaun saúde.""
Sr. Hitchins hateten katak apoiu husi doadór MAF sira halo diferensa boot ba iha família sira nia moris ne'ebé hakarak lori ema ne’ebé sira hadomi fila husi ospitál ba uma.
"Ha'u hakarak hato'o obrigadu wain ba doadór sira ne'ebé halo projetu Closing the Loop sai posivel. Ita-boot sira fasilita ami nia abilidade atu koalia Nai Maromak nia liafuan domin ba iha ema nia laran, ba sira ne’ebe antes ne'e seidauk esperensia domin husi Nai Maromak liu husi maneira ida ne’e." Nia dehan.
"Maneira foun ida ne’e konekta duni ema ho Nai Maromak. Ha'u hakarak atu dehan, favór ida kontinua fó apoiu ho laran-luak atu nune'e ami bele kontinua servisu ida ne'e, no ida ne’e mos sai nudar ami nia servisu ida ne’ebe fo impaktu makas iha Timor-Leste."