Autor: Lobitos Alves
Maria depende ba servisu transporte MAF nian enkuanu nia hanorin jerasaun foun estudante sira iha eskola ida iha komunidade Maliana.
Hasoru Maria Antonia dos Santos, mestra ida ho idade 39 ne’ebe mai husi Suai, Munisipiu Covalima, iha parte sudeste Timor-Leste.
Nia servisu ba Instituisaun Salesiano husi Misionariu Santu João Bosco, nu'udar Mestre Sosiolojia, Lian Tetun, no Estudu Relijiozu iha Eskola Sekundaria Jeral Cristal iha Raifun, Maliana, Munisipiu Bobonaro.
Husi nia horik fatin iha Suai to'o kapitál Dili no to'o Maliana, Maria bele uza servisu transporte MAF nian ne'ebé liga ho komunidade izoladu sira iha nasaun ne'e.
Nia fahe oinsá MAF nia aviaun sira suporta nia servisu.
Nia hatete: "Hau baibain halo viajen ho aviaun MAF husi Dili ba Maliana dala tolu ka haat fulan-fulan, no ha'u mós semo fali ba Suai.
"Hau hakarak semo ho MAF duke utiliza transporte publiku tanba sira oferese serbisu ne'ebe lalais no diak tebes."
... sira oferese serbisu ne'ebe lalais no diak tebes.
Nia servisu iha kapitál Dili, maibé nia halo viajen ba Maliana hodi hanorin estudante sira no tulun mos iha atividade sira seluk.
Iha nia tempu livre, hafoin hanorin iha Maliana, nia hamutuk ho estudante sira atu halo sira nia tarefa ruma no halimar desportu.
Nia hatete: "Normalmente ha'u ajuda estudante sira atu halo sira nia projetu eskola nian, apoiu iha atividade umanitária sira, no halimar desportu sira hanesan basketball no volleyball ho sira."
Timor-oan barak ta'uk atu semo, tanba sira nunka hetan oportunidade, no Maria rekoñese katak nia mos antes ne’e senti nervozu.
Nia hatutan tan: "Dahuluk, ha'u ta'uk atu semo ho aviaun MAF, maibé agora ha'u la senti ta'uk ona tanba ha'u tau ha’u nia konfiansa ba pilotu sira no ha'u fiar katak semo ho MAF seguru."
"Hau rasik sente katak MAF mak ajuda tebes ha'u atu fasilita ha'u nia viajen sira, no ida ne'e ajuda ha'u atu hala'o ha'u nia serbisu ho efisiénsia.
"Hau hakarak fó hatene ba ha'u nia belun Timoroan sira atu labele ta'uk halo viajen ho aviaun MAF nian, tanba ida ne'e mak meiu transporte ida ne'ebé seguru no lalais hodi bele to'o ba iha ita nia fatin destinasaun."