Autor: Lobitos Alves
Inan ida halo tratamentu ba kista ovariu grave no gastrite krónika hafoin viajen husi Illa Atauro ho MAF hodi hetan tratamentu medika emerjensia iha Ospitál Nasionál iha kapitál Dili.
Antoniza Ximenes, inan ida ho idade tinan 35 husi suku Beloi iha illa Atauro, partisipa ativamente iha atividade igreja iha nia komunidade no servisu uma-laran atu tau matan ba nia família.
Maibe ho kondisaun ne’ebe nia iha kauza difikuldade no prevene nia atu hala'o ninia atividade loron-loron nian no serbí iha igreja.
“Ha'u sente isin manas no moras iha ha'u nia kabun. Ha'u la bele han, tan ne'e ha'u nia kaben lori kedas ha'u ba sentru saúde hodi haree ha'u nia kondisaun," dehan irmán Ximenes.
"Hafoin enfermeira sira halo avaliasaun fíziku, sira deside katak ha'u tenke hela iha sentru saúde atu haree liután. Ha'u hela ba loron lima, maibé ha'u nia kondisaun la di'ak.
“Hafoin ida ne'e, sira deside atu transfere ha'u ba Ospitál Nasionál iha Dili liu husi aviaun MAF tanba ha'u nia kondisaun kritiku, no ha'u la bele halo viajen ho ro.”
Nia transfere husi illa Atauro ba Dili liu husi aviaun MAF, VH-MAH, ne'ebé lori husi pilotu Kapitaun Joe Farren.
Antoniza nia kaben, Godinho Goncalves Perreira, mestre ida iha eskola sekundária, esplika oinsá nia sente bainhira nia feen iha kondisaun sériu nia laran.
Bainhira nia hela iha sentru saúde Atauro, ha'u haree katak nia simu soru been ho masa 15. Ha'u ta'uk no entrega ha'u nia situasaun ba Maromak nia liman," dehan Sr. Perreira.
"Hau agradese ba Maromak tanba nia hatudu dalan mai ami, no ami hetan oportunidade atu semo ho aviaun MAF, ne'ebé ajuda salva ha'u nia kaben nia moris."
Hau agradese ba Maromak tanba nia hatudu dalan mai ami,...ne'ebé ajuda salva ha'u nia kaben nia moris."
Nia mós esplika saida mak signifikadu atu simu pakote prezente durante sira hela iha Ospital Nasional Guido Valadares (HNGV).
"Bainhira ami to'o iha Dili, ami simu pasta ida husi ekipa MAF nu'udar prezente espesiál ida, ne'ebé ajuda ami durante tempu ne'ebé susar tebes," dehan Sr. Perreira.
"Iha pasta ne'e ita bele hetan sasán importante hanesan biskuit, bee-hemu, sasán sanitariu, no mós pulsa telefone ne'ebé ajuda ami atu kontaktu ami nia família durante ami hela iha ospitál."
Sira hela iha ospitál durante loron tolu molok nia alta, depois sira fila fali ba uma ho ro.
Señor Perreira sente kmaan bainhira nia kaben nia kondisaun sai di'ak hafoin hetan tratamentu.
Nia hatete: "Ida ne’e hanesan milagre ida tanba nia rekupera iha deit loron tolu nia laran no nia alta ona.
"Ida ne’e nudar momentu ne’ebe susar, maibé MAF nia prezensa ajuda no hafasil ba ha'u nia kaben atu to'o iha HNGV no hetan tratamentu emerjénsia. Agora ha'u kontente tanba nia sai di'ak ona, no ami iha ona uma. "
MAF nia pilotu Joe Farren observa pasiente nia kondisaun bainhira sira vizita sira nia uma iha illa Atauro.
Nia hatete: "Bainhira MAF vizita, sira kontente tebes tanba papel ne’ebe ami halo serbisu iha sira nia família nia moris."
Ha'u hanoin katak ida ne’e hanesan bénsaun boot ida iha ha'u nia moris mak atu hasoru ema iha tempu ne'ebé susar no fó oportunidade ba sira atu hetan asesu ba kuidadu saúde ne'ebé di'ak liu. "